Yegada di Sinterklaas e aña’ki mester ta diferente pa motibo di e pandemia di coronavirus pa cual mester mantene distancia.
A resulta cu e yegada a confronta otro problema. Manera por a experencia e ultimo dianan, tabatin un tempo malo y lama bruto. A consecuencia di esaki, e barco di Sinterklaas y su ayudantenan a confronta problema serio riba lama.
A bati alarma na Mando Policial, kendenan mesora a tuma contacto cu Kustwacht y Marina Real pa mira con pa yuda e homber Santo yega Aruba pa celebracion di fiesta di Sinterklaas.
Finalmente a bin topa cu Sinterklaas den un boto chikito riba lama, y a logra rescate cu el a yega Aruba awe pa trece regalo pa tur e muchanan.
