Dialuna anochi, den careda di 10:00 pm, a tuma luga un accidente, caminda cu un auto a alcansa un hoben di entre 19 y 20 aña na Solito, den area di Four Seas, unda cu lamentablemente el a fayece.
Aki un auto a alcansa un peaton. Segun e chauffeur, e no a mira e peaton cu e consecuencianan ya conoci.
Tres unidad a presenta n’e sitio, pero mucho no por a haci p’e victima. A purba di reanima e hoben peaton, pero a para un banda y en espera di un dokter presenta n’e sitio. Un rato despues, hefe di varios departamento, entre otro hefe di departamento di trafico a presenta n’e sitio y demas polis specialisa a presenta pa asina cuminsa cu nan investigacion.
N’e sitio por a tuma nota di fiscal di Ministerio Publico como tambe e persona encarga cu e departamento di trafico n’e sitio di e accidente.
Mientras tanto n’e sitio polis ta buscando mas informacion di e testigonan. A mira recherche tambe n’e sitio.
Na famia di e fayecido nos ta extende nos sincero palabranan di condolencia.
