Corsou y Sint Maarten ta di bishita na Aruba pa hunto nos fiha un posicion den reunion cu Secretario di Estado, Alexandra van Huffelen. E reunionnan a cuminsa ayera caba. Ta parce, te awo, cu Hulanda ta para duro cu e islanan mester cumpli cu palabracion haci, sino no por conta cu sosten financiero di Hulanda. Pero separa di esey, tanten cu no cumpli, no por duna pueblo ningun sorto di alivio tampoco. Corsou ta sinti cu, e por, pero door di Sint Maarten y Aruba, ta mara nan na e mesun cabuya pa cual a anuncia cu cada pais lo bringa nan propio bataya cu Madre Patria.
Nos tabata presente despues di e reunion na Surfside Marina, unda tabatin un rato social pa un “borrel” y su tras mesora negociacionnan a inicia. Minister di Finansa di Aruba a sali bisa cu no tabatin reunion sino djis comemento. El a para riba cu ta awe e reunionnan a cuminsa y cu ayera anochi e encuentro tabata social. “Nos a djis bin pa come, esaki tambe ta trabou”. E mandatario a sali for di e “comemento” hunto cu ex-Minister Nilo Swaen y director di Departamento di Finansa. Pero mientras cu e trio a bandona e reunion, e demas ministernan si a conta nos manera e cos ta.
Pa e relato completo di e reunion, lesa e proximo edicion di TREMPAN
