Mireille Sint Jago a halsa su bos durante bishita Real na Universidad

Durante bishita den aula na Universidad di Aruba, Famia Real a experencia un situacion basta peculiar. Durante un lectura riba relacion di reino, unda cu e rector, varios studiante, secretario di estado y mas invitado tabat’ey acerca, un di e studiantenan, Mireille Sint Jago, a halsa bos durante di e programa. Su intencion tabata pa haci esaki pia abou.

E tabatin bisti cu e colonan di Africanismo, esta blanco y cora. Tambe e tabatin un bandera di e colonan pret, berde y cora y tabata su intencion pa canta e cantica ‘freedom’. E cantica aki ta un gospel.

Un persona di rectorado, Ruth Bonnevalle Decano di e facultdad di derecho, di universidad a core cu ne. El a coopera y bandona sala.

Durante e lectura mes, ningun minister no tabat’ey presente. Gobernador so tabat’ey y a presencia e echo aki.

Parti pafo, nos reportero a papia cu Mireille Sint Jago, kende ta juffrouw di scol y ta studiante di ley masteropleiding di Universidad di Aruba.

E protesta tabata a base di articulo 1.12 inciso 3 di Staatsregeling di Aruba, cual t’e derecho di por papia libremente.

A invita Sint Jago como studiante di masteropleiding di Universidad di Aruba pa participa n’e discurso special p’e famia Real.

Esaki Sint Jago a uza pasobra lo tabata e unico manera cu e por a convoca e mensahe cu “nos no ta di acuerdo cu e echo cu e Rey mes no a pidi pordon p’e sclavitud. Tambe e echo cu no tin reparacion cu dia 25 di januari un biaha mas, den Tweede Kamer, prome minister Mark Rutte a bisa cu nan no lo paga e 200 miyon di reparacion, cual lo bay pa un ‘bewustwording fonds’, ta loke Sint Jago a bisa.

Loader Loading…
EAD Logo Taking too long?

Reload Reload document
| Open Open in new tab

Download [212.37 KB]

Esunnan cu ta descendiente di esclavo, tur ta consciente caba. “E 200 miyon no ta pa nos,” el a remarca.

Ta p’esey Sint Jago a prepara su mes, a bisti e colonan blanco y cora, cual t’e colonan di e conmemoracion di sclavitud. Tambe el a bin cu su bandera di Africanismo. El a prepara un manifiesto y tambe un cantica di esclavo. Fuera di esey e tabatin un poema, pero e no a haya chens pa haci tur esey. Sint Jago tabata pensa cu miho purba prome cu no haci nada at all.

Awo e mensahe ta cla pasobra tin hopi tiki recurso pa por haci manifestacion, specialmente cu tur e recorte di salario cu a pasa door di dje. Pero toch Sint Jago no kier a laga e momento aki pasa pasobra e ta hay’e importante den nomber di su antepasadonan, den nomber tambe di e generacion cu ta bin despues, pa tin prueba cu no a djis acepta cualkier cos cu ta bisa, duna of ofrece. Esey tabata locual cu a sosode durante henter e tempo di colonialismo y sclavitud, cu no tin un bos. “Nos no ta wordo scucha. Nos no tin nada di bisa..” A pidi Sint Jago pa no papia di loke ta papia paden door di Universidad, pero e no ta haya cu su derecho pa por expresa su mes libremente por ta corta pa cualkier persona.